PËR DISA NDRYSHIME NË LIGJIN NR.7676, DATË 2.3.1993 “PËR TATIMIN MBI QARKULLIMIN” NDRYSHUAR ME LIGJIN NR.7734, DATË 20.7.1993, LIGJIN NR.7794, DATË 14.2.1994, LIGJIN NR.7901, DATË 15.2.1995 DHE LIGJIN NR.7907, DATË 5.4.1995

Lloji: Ligj

Fletore Zyrtare: nr. 15, datë 1995-07-17

LIGJ

Nr.7945, datë 14.6.1995

PËR DISA NDRYSHIME NË LIGJIN NR.7676, DATË 2.3.1993 “PËR TATIMIN MBI

QARKULLIMIN” NDRYSHUAR ME LIGJIN NR.7734, DATË 20.7.1993, LIGJIN NR.7794,

DATË 14.2.1994, LIGJIN NR.7901, DATË 15.2.1995 DHE LIGJIN NR.7907, DATË 5.4.1995

Në mbështetje të neneve 13 dhe 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Në ligjin nr.7676, datë 2.3.1993 “Për tatimin mbi qarkullimin”, pas paragrafit të parafundit të

nenit 3, shtohet një paragraf me këtë përmbajtje:

“Ndërtimet që kryhen nga subjektet juridike që financohen në formën e kredive për zhvillim

apo të ndihmave të dhëna falas nga shtete a organizma ndërkombëtare si dhe persona a organizma

filantropike”.

Neni 2

Për të gjitha rastet e përmendura në nenin 1, nuk do të kërkohet të derdhet në buxhet tatimi

mbi qarkullimin i llogaritur dhe i paarkëtuar deri në hyrjen në fuqi të këtij ligji. Efektet e këtij ligji

shtrihen për të gjitha ndërtimet e këtij lloji të kryera para daljes së këtij ligji.

Neni 3

Ngarkohet Ministria e Financave të nxjerrë udhëzime për zbatimin e këtij ligji si dhe të

kontrollojë zbatimin e tij.

Neni 4

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.1132, datë 22.6.1995 të Presidentit të Republikës së Shqipërisë, Sali

Berisha