PËR KONCESIONET DHE PJESËMARRJEN E SEKTORIT PRIVAT NË SHËRBIMET PUBLIKE DHE INFRASTRUKTURË

Lloji: Ligj

Fletore Zyrtare: nr. 19, datë 1995-08-23

LIGJ

Nr.7973, datë 26.7.1995

PËR KONCESIONET DHE PJESËMARRJEN E SEKTORIT PRIVAT NË

SHËRBIMET PUBLIKE DHE INFRASTRUKTURË

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Qëllimi i këtij ligji është: Të krijojë kuadrin ligjor për pjesmarrjen e sektorit privat,vendas e të

huaj, nëpërmjet koncesioneve dhe formave të tjera të partneritetit shtet-privat në shërbimet publike dhe

infrastrukturë.

Neni 2

Përkufizime

Në kuptim të këtij ligji:

1. “Qeveri” do të thotë Këshilli i Ministrave.

2. “Organ shtetëror i autorizuar” është çdo organ shtetëror admin istrativ, i cili është caktuar

nga Këshilli i Ministrave për të bërë një kontratë koncesioni ose kontratë partneriteti shtet-privat.

3. “Bankë” është Banka e Shqipërisë.

4. “Koncesion” është një formë kontrate e marrëveshjeje, me anën e së cilës një person juridik

joshtetëror ose fizik i jepet e drejta të marrë në formën e koncesionit nga organi shtetëror i autorizuar

një pasuri për të kryer shërbimet e specifikuara për një periudhë të gjatë kohe në një nga format e

parashikuara në këtë ligj. Subjekti, të cilit i jepet koncesioni, është përgjegjës për financimin e