PËR FONDET E INVESTIMEVE

Lloji: Ligj

Fletore Zyrtare: nr. 19, datë 1995-08-23

LIGJ

Nr.7979, datë 26.7.1995

PËR FONDET E INVESTIMEVE

Në mbështetje të nenit 16 të ligjit 7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

I. DISPOZITA TË PËRGJITHSHME

Neni 1

Ky ligj rregullon mënyrën e formimit, veprimtarinë e fondeve të investimeve, mbrojtjen e

investitorëve dhe mbikëqyrjen shtetërore të fondeve të investimeve.

Neni 2

Përveçse kur përcaktohen ndryshe, në këtë ligj termat e mëposhtme do të nënkuptojnë:

2.1. Me “fond investimesh” nënkuptohet çdo person juridik privat që, duke akumuluar

burimet financiare të personave fizikë a juridikë (letrat me vlerë të privatizimit, kesh),

- emeton vetëm aksionet e tij në këmbim të tyre;

- investon, riinveston, zotëron ose tregton letrat me vlerë.

2.2 Me “aksion” kuptojmë pjesën e përcaktuar të pronësisë në kapitalin e fondit të

investimeve. Pronari i aksionit ka të drejtë të përfitojë proporcionalisht pjesën e tij në fitimin e

shoqërisë tregtare dhe të marrë pjesë në drejtimin e kësaj shoqërie sipas kontratës së themelimit, e

cila gjithashtu përcakton mënyrën e transferimit të aksioneve (kalimi i pronësisë).

2.3 Me “autoritet rregullues” do të kuptojmë Ministrinë e Financave.

2.4 Me “administrator” në fondin e investimeve do të kuptojmë çdo subjekt që është