PËR PËRJASHTIMIN NGA TAKSAT DOGANORE TË MATERIALEVE DHE PJESËVE TË KËMBIMIT TË IMPORTIT PËR RIKONSTRUKSIONIN E AEROPORTIT TË RINASIT

Lloji: Ligj

Fletore Zyrtare: nr. 24, datë 1995-12-05

LIGJ

Nr.8023, datë 2.11.1995

PËR PËRJASHTIMIN NGA TAKSAT DOGANORE TË MATERIALEVE DHE PJESËVE TË

KËMBIMIT TË IMPORTIT PËR RIKONSTRUKSIONIN E AEROPORTIT TË RINASIT

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

1. Përjashtohen nga të gjitha taksat doganore të importit dhe nga taksat e qarkullimit të

importeve materialet dhe pjesët e këmbimit të importit që do të vijnë për aeroportin e Rinasit në adresë

të Albtransportit dhe ANTA-s dhe që do t’i shërbejnë rikonstruksionit të plotë të tij, si vijon:

1.1. Makineritë, pajisjet dhe aparaturat.

1.2. Materialet, lëndët e para, lëndët ndihmëse dhe kimikatet.

1.3. Pjesët e ndërrimit, lubrifikantet dhe gomat.

1.4. Mjetet ngritëse transportuese për bagazhet dhe mallrat.

1.5. Mjetet e hipjes e të zbritjes së pasagjerëve në avionë dhe të transportimit të tyre në

aeroport.

1.6. Pjesët dhe aparaturat e kontrollit të trafikut ajror, mjetet navigacionale, pjesët e këmbimit

dhe materialet ndihmëse.

1.7. Pajisjet dhe aparaturat e radiondërlidhjes dhe telekomunikacionit, pjesët e këmbimit dhe

materialet ndihmëse.

1.8. Automjetet, impiantet, aparaturat e mbrojtjes nga zjarri, pjesët e këmbimit, lëndët kimike

dhe materialet ndihmëse të caktuara për këtë qëllim.