PËR KONTRIBUTIN E SHTETIT PËR FAMILJET E PASTREHA

Lloji: Ligj

Fletore Zyrtare: nr. 24, datë 1995-12-05

LIGJ

Nr.8030, datë 15.11.1995

PËR KONTRIBUTIN E SHTETIT PËR FAMILJET E PASTREHA

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Ky ligj ka për qëllim të përcaktojë detyrimet financiare të shtetit për të pastrehët që rezultojnë

nga zbatimi i ligjit nr.7652, datë 23.12.1992 “Për privatizimin e banesave shtetërore” dhe akteve

nënligjore të tij, si dhe mënyrën e dhënies së kredisë për ta, duke lehtësuar zgjidhjen e strehimit të tyre

dhe duke krijuar mundësi për të përfituar edhe nga tregu i lirë i tokës dhe banesave.

Neni 2

Çdo familje e pastrehë përfiton falas të drejtën për të shpenzuar një shumë parash sipas

përcaktimeve të këtij ligji. Ky përfitim do të quhet shumë përfitimi.

Shuma e përfitimit falas të çdo familjeje të pastrehë do të përcaktohet nga numri i pjesëtarëve

të familjes dhe mosha e tyre, si dhe kategoria e familjeve të pastreha, e përcaktuar nga akte nënligjore,

sipas tabelës nr.1 që i bashkëngjitet këtij ligji.

Për familjet e pastreha që banojnë në ish -prona private dhe që kanë pasur kontrata

qiramarrjeje, shuma e përfituar nga tabela nr.1 do të shumëzohet me koeficientin 1.3.

Neni 3

Në qendrat e banuara ku vlera e apartamenteve tip në tregun e lirë është më e vogël se kostoja