PËR KONKURRENCËN

Lloji: Ligj

Fletore Zyrtare: nr. 27, datë 1996-01-09

LIGJ

Nr.8044, datë 7.12.1995

PËR KONKURRENCËN

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

PJESA I

OBJEKTI, FUSHA E ZBATIMIT DHE PËRCAKTIMET

Neni 1

Objekti

Objekti i këtij ligji është përcaktimi i rregullave të veprimit të pjesëmarrësve në treg dhe i të

drejtave e detyrimeve të tyre në kushtet e një konkurrence të drejtë.

Neni 2

Fusha e zbatimit

Ky ligj zbatohet për subjektet që ushtrojnë veprimtari tregtare financiare e prodhuese brenda

territorit të Republikës së Shqipërisë si dhe për ato që ushtrojnë veprimtari të tilla jashtë këtij territori,

por që pasojat e kësaj veprimtarie manifestohen në tregun e brendshëm.

Neni 3

Subjektet

Ky ligj zbatohet për të gjithë personat fizikë dhe juridikë, vendas e të huaj, privatë ose

shtetërorë, që ushtrojnë veprimtari tregtare financiare e prodhuese, bazuar në parimin e konkurrencës

së lirë, që ofrojnë ose kërkojnë mallra, shitblerja ose konsumi i të cilave i nënshtrohet nismës dhe

vullnetit të tyre të lirë.

Neni 4

Përcaktimet

Për zbatimin e këtij ligji, termat e mëposhtëm do të kuptohen si vijon:

1. Me “Treg” kuptohet një vend i përcaktuar nga hapësi ra dhe destinacioni i tij, në të cilin