PËR BANKËN E SHQIPËRISË

Lloji: Ligj

Fletore Zyrtare: nr. 5, datë 1996-04-12

LIGJ

Nr.8076, datë 22.2.1996

PËR BANKËN E SHQIPËRISË

Në mbështetje të nenit 16 të ligjit nr. 7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Banka e Shqipërisë është banka qendrore e Republikës së Shqipër isë dhe vepron në përputhje

me dispozitat e këtij ligji.

Banka e Shqipërisë është person juridik i pavarur me qendër në Tiranë.

Banka e Shqipërisë gëzon të drejtën:

a) Të lidhë kontrata dhe të emetojë obligacione.

b) Të nxjerrë akte nënligjore.

c) Të blejë, të ketë e të përdorë dhe të zotërojë pasuri të lua jtshme ose të paluajtshme që i

shërbejnë veprimtarisë së saj.

Neni 2

Banka e Shqipërisë përgjigjet para Kuvendit Popullor të Republikës së Shqipërisë.

Jo më vonë se 6 muaj pas hyrjes në fuqi të këtij ligji dhe në intervale 6-mujore pas kësaj,

Banka e Shqipërisë i dorëzon Kuvendit Popullor dhe Këshillit të Ministrave një deklaratë për politikën

monetare, të cilën e boton. Në këtë deklaratë përmbahen:

a) vlerësimi i politikës monetare të zbatuar nga Banka e Shqipë risë për periudhën e

mëparshme:

b) politika monetare që do të ndiqet nga Banka e Shqipërisë gjatë gjashtë muajve të ardhshëm;

c) parimet për hartimin dhe zbatimin e politikës monetare për një periudhë që e cakton Banka

e Shqipërisë.

Neni 3