PËR VEPRIMTARITË E SIGURIMIT DHE TË RISIGURIMIT

Lloji: Ligj

Fletore Zyrtare: nr. 7, datë 1996-04-17

LIGJ

Nr.8081, datë 7.3.1996

PËR VEPRIMTARITË E SIGURIMIT DHE TË RISIGURIMIT

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Objekti i ligjit

Ky ligj përcakton parimet dhe rregullat e përgjithshme lidhur m e sipërmarrjet në sigurime dhe

pikërisht ato që kanë të bëjnë:

a) Me ushtrimin e veprimtarive të sigurimeve të drejtpërdrejta të cilat kanë për objekt grupet e

sigurimeve për jetën ose grupet e sigurimeve të tjera të quajtura më poshtë sigurime për dëme, që

parashikohen në shtojcën e këtij ligji.

b) Me ushtrimin e veprimtarive që kanë për objekt risigurimet.

c) Me mbikëqyrjen nga ana e shtetit të shoqërive dhe enteve lig jore të tjera që marrin përsipër

e ushtrojnë një veprimtari sigurimi dhe/ose risigurimi.

Neni 2

Përkufizime

Për qëllime të këtij ligji:

a) "Shoqëri" do të thotë një shoqëri tregtare apo një ent ligjor tjetër që ushtron veprimtari

sigurimi ose risigurimi, të natyrës së parashikuar në këtë ligj.

b) "Degë" do të thotë një degë, një agjenci ose një përfaqësi e vendosur në territorin e

Republikës së Shqipërisë nga një shoqëri e huaj, nëpërmjet së cilës kjo e fundit ushtron veprimtari

sigurimi dhe/ose risigurimi.