PËR DEKORATAT NË REPUBLIKËN E SHQIPËRISË

Lloji: Ligj

Fletore Zyrtare: nr. 14, datë 1996-05-09

LIGJ

Nr.8113, datë 28.3.1996

PËR DEKORATAT NË REPUBLIKËN E SHQIPËRISË

Në mbështetje të neneve 16 e 28 të ligjit nr.7491, datë 29.4.19 91 “Për dispozitat kryesore

kushtetuese”, me propozimin e Presidentit të Republikës

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Dekoratat e nderit u jepen shteta sve shqiptarë ose të huaj, që shquhen për merita të veçanta

ndaj Republikës së Shqipërisë dhe interesave kombëtare.

Neni 2

Dekoratat jepen nga Presidenti i Republikës.

Neni 3

Presidenti i Republikës jep këto dekorata:

1. Urdhri i Flamurit Kombëtar

2. Urdhri "Gjergj Kastrioti Skënderbeu"

3. Urdhri "Nderi i Kombit"

4. Urdhri "Mjeshtër i Madh i Punës"

5. Urdhri "Nënë Tereza"

6. Urdhri "Naim Frashëri"

7. Medalja e Artë e Shqiponjës

8. Medalja "Martir i Demokracisë"

9. Medalja "Pishtar i Demokracisë"

10. Medalja "Për Shërbime Ushtarake"

Neni 4

Përshkrimi i dekoratave, rregullat dhe procedurat për propozimet dhe shqyrtimin e tyre

caktohen nga Presidenti i Republikës.

KREU II

MOTIVACIONET DHE KUSHTET E DHËNIES SË DEKORATAVE

Neni 5

Urdhri i Flamurit Kombëtar

U jepet qytetarëve shqiptarë dhe të huaj për merita të jashtëzakonshme për lartimin e kombit

shqiptar dhe të Shqipërisë. Ky urdhër do të jetë i artë.

Neni 6

Urdhri "Gjergj Kastrioti Skënderbeu"