Për ratifikimin e marrëveshjes së bashkëpunimit ndërmjet Këshillit të Ministrave të Republikës së Shqipërisë dhe qeverisë së Republikës së Kosovës në fushën e arsimit të lartë dhe kërkimit shkencor

Lloji: Ligj

Fletore Zyrtare: nr. 63, datë 2024-04-11

LIGJ

Nr. 23/2024

PËR RATIFIKIMIN E MARRËVESHJES SË BASHKËPUNIMIT NDËRMJET

KËSHILLIT TË MINISTRAVE TË REPUBLIKËS SË SHQIPËRISË DHE QEVERISË

SË REPUBLIKËS SË KOSOVËS NË FUSHËN E ARSIMIT TË LARTË

DHE KËRKIMIT SHKENCOR

Në mbështetje të neneve 78, 83 e 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja e bashkëpunimit ndërmjet Këshillit të Ministrave të Republikës së Shqipërisë

dhe qeverisë së Republikës së Kosovës në fushën e arsimit të lartë dhe kërkimit shkencor sipas tekstit që

i bashkëlidhet këtij ligji dhe është pjesë përbërëse e tij.

Ky ligj hyn në fuqi 15 ditë pas botimit në Fletoren Zyrtare.

Neni 2

Miratuar në datën 21.3.2024.

Shpallur me dekretin nr. 137, datë 8.4.2024, të Presidentit të Republikës së Shqipërisë Bajram

Begaj.

MARRËVESHJE BASHKËPUNIMI

NDËRMJET KËSHILLIT TË MINISTRAVE TË REPUBLIKËS SË SHQIPËRISË

DHE QEVERISË SË REPUBLIKËS SË KOSOVËS

NË FUSHËN E ARSIMIT TË LARTË DHE KËRKIMIT SHKENCOR

Këshilli i Ministrave i Republikës së Shqipërisë, përfaqësuar nga Ministria e Arsimit dhe Sportit e

Republikës së Shqipërisë dhe Qeveria e Republikës së Kosovës, përfaqësuar nga Ministria e Arsimit,

Shkencës, Teknologjisë dhe Inovacionit, në vijim referuar si “Palët”, me besimin se bashkëpunimi

dypalësh në fushën e arsimit të lartë dhe kërkimit shkencor do të forcojë marrëdhëniet ndërmjet dy