Për disa ndryshime dhe shtesa në ligjin nr. 125/2013, “Për koncesionet dhe partneritetin publik privat”, i ndryshuar”

Lloji: Ligj

Fletore Zyrtare: nr. 74, datë 2024-04-30

LIGJ

Nr. 28/2024

PËR DISA NDRYSHIME DHE SHTESA NË LIGJIN NR. 125/2013,

“PËR KONCESIONET DHE PARTNERITETIN PUBLIK PRIVAT”, I NDRYSHUAR

Në mbështetje të neneve 78 dhe 83, pika 1, të Kushtetutës, me propozim të një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 125/2013, “Për koncesionet dhe partneritetin publik privat”, i ndryshuar, bëhen këto

ndryshime dhe shtesa:

Neni 1

Në nenin 5, shkronja “i” ndryshohet si më poshtë:

“i) për ndërtimin dhe shfrytëzimin e burimeve të energjisë së rinovueshme, sipas përcaktimeve të ligjit

nr. 24/2023, “Për nxitjen e përdorimit të energjisë nga burimet e rinovueshme”, përveç hidrocentraleve.”.

Neni 2

Në nenin 17, shkronja “d” ndryshohet si më poshtë:

“d) operatorët ekonomikë nëpërmjet propozimeve të pakërkuara vetëm për realizimin e punimeve

dhe/ose ofrimin e shërbimeve në: porte, aeroporte, energjinë për ngrohje dhe shpërndarjen e gazit

natyror për prodhimin dhe shpërndarjen e energjisë elektrike, me përjashtim të prodhimit e shpërndarjes

së energjisë elektrike nga burimet hidrike.”.

Neni 3

Në nenin 18, pika 5, shkronja “a” riformulohet si më poshtë:

a) harton raportin përmbledhës, mbi bazën e të cilit autoriteti merr vendimin për shtyrjen, refuzimin

e plotë ose vazhdimin e procedurave, si dhe harton studimin e fizibilitetit për koncesionin/partneritetin

publik privat, përcakton procedurën e zbatueshme për dhënien e koncesionit/partneritetit publik privat