PËR ORGANIZIMIN DHE FUNKSIONIMIN E POLICISË TË BASHKISË DHE TË KOMUNËS

Lloji: Ligj

Fletore Zyrtare: nr. 7, datë 1997-06-13

LIGJ

Nr.8224, datë 15.5.1997

PËR ORGANIZIMIN DHE FUNKSIONIMIN E POLICISË TË BASHKISË DHE TË

KOMUNËS

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Në Republikën e Shqipërisë pranë bashkive e komunave organizohet dhe funksionon policia e

bashkisë dhe e komunës, përkatësisht në vartësi të kryetarit të bashkisë e të komunës dhe nën

mbikëqyrjen e kontrollin ligjor të prefektit.

Policia bashkiake dhe e komunës është organ ekzekutiv që ka për detyrë të kryejë funksione

në shërbim të rendit, qetësisë dhe mbarëvajtjes së punëve publike brenda territorit të bashkisë a të

komunës, në përputhje me dispozitat e këtij ligji dhe që nuk janë në kompetencë të autoriteteve të tjera

shtetërore.

Policia e bashkisë dhe e komunës nuk është pjesë përbërëse e Forcave të Armatosura.

Neni 2

Policia e bashkisë dhe e komunës si rregull ka këtë strukturë:

1. Shefi i policisë.

2. Oficerë.

3. Policë.

Pranë këshillit të rrethit emërohet komandanti i policisë të bashkive dhe të komunave.

Neni 3

Komandanti i policisë të bashkisë a të komunës emërohet e shkarkohet në detyrë nga prefekti,

me propozim të kryetarit të këshillit të rrethit, pasi të jetë marrë pëlqimi nga ministri i Brendshëm.