PËR DISA SHTESA DHE NDRYSHIME NË LIGJIN NR.8215, DATË 9.5.1997 "PËR KONTROLLIN FINANCIAR TË PERSONAVE JURIDIKË JOBANKARË, QË KANË MARRË HUA NGA PUBLIKU I GJERË"

Lloji: Ligj

Fletore Zyrtare: nr. 11, datë 1997-08-08

LIGJ

Nr.8227, datë 30.7.1997

PËR DISA SHTESA DHE NDRYSHIME NË LIGJIN NR.8215, DATË 9.5.1997 "PËR

KONTROLLIN FINANCIAR TË PERSONAVE JURIDIKË JOBANKARË, QË KANË

MARRË HUA NGA PUBLIKU I GJERË"

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e një grupi deputetësh,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Në ligjin nr.8215, datë 9.5.1997 "Për kontrollin financiar të personave juridikë jobankarë, që

kanë marrë hua nga publiku i gjerë", paragrafi i parë i nenit 1 ndryshohet si vijon:

"Këshilli i Ministrave cakton një ose më shumë ekspertë kontabël të pavarur ose një shoqëri të

kualifikuar në këtë drejtim dhe me besueshmëri, të cilët do të jenë ekspertë të personit fizik a juridik,

si dhe të personave të lidhur me ta. Pagesa e ekspertëve kontabël miratohet nga Këshilli i Ministrave.

Ekspertët kontabël duhet t'i paraqesin administratorit raportin dhe rezultatin e kontrollit për

gjendjen financiare të personit që do të kontrollohet apo të personave të lidhur me të, si dhe një kopje

të tyre t'ia dërgojnë Këshillit të Ministrave."

Neni 2

Paragrafi i dytë i nenit 1 të ligjit bëhet paragrafi i tretë.

Neni 3

Paragrafi i dytë i nenit 7 të ligjit nr.8215, datë 9.5.1997 "Për kontrollin financiar të personave

juridikë jobankarë që kanë marrë hua nga publiku i gjerë", shfuqizohet.