PËR NJË NDRYSHIM NË LIGJIN NR.7561, DATË 29.4.1992 "PËR DISA NDRYSHIME E PLOTESIME NË LIGJIN NR.7491, DATË 29.4.1991 "PËR DISPOZITAT KRYESORE KUSHTETUESE"

Lloji: Ligj

Fletore Zyrtare: nr. 12, datë 1997-09-11

LIGJ

Nr.8234, datë 27.8.1997

PËR NJË NDRYSHIM NË LIGJIN NR.7561, DATË 29.4.1992 "PËR DISA NDRYSHIME E

PLOTESIME NË LIGJIN NR.7491, DATË 29.4.1991 "PËR DISPOZITAT KRYESORE

KUSHTETUESE"

Në mbështetje të neneve 16 dhe 43 të ligjit nr.7491, datë 29.4.1991 "Për dispozitat kryesore

kushtetuese", me propozimin e Presidentit të Republikës

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Në ligjin nr.7561, datë 29.4.1992 "Për disa ndryshime e plotësime në ligjin nr.7491, datë

29.4.1991 "Për dispozitat kryesore kushtetuese", neni 15 ndryshohet si më poshtë:

"Këshilli i Lartë i Drejtësisë kryesohet nga Presidenti I Republikës dhe përbëhet nga kryetari i

Gjykatës së Kasacionit, Ministri i Drejtësisë, Prokurori i Përgjithshëm dhe nga 9 juri stë të njohur për

aftësitë e tyre. Ata zgjidhen njëherë në pesë vjet, sipas mënyrës së caktuar në ligj, pa të drejtë

rizgjedhjeje të menjëhershme, si më poshtë:

- Tre anëtarë zgjidhen nga radhët e gjykatësve,

- dy anëtarë zgjidhen nga radhët e prokurorëve,

- katër anëtarë zgjidhen nga Kuvendi Popullor, nga të cilët, dy prej radhëve të avokatëve, një

prej profesoratit të drejtësisë dhe një prej radhëve të gjykatësve.

Këshilli i Lartë i Drejtësisë është i vetmi autoritet që vendos për emërimin, lëvizjen dhe

përgjegjësinë disiplinore të gjyqtarëve të shkallës së parë, të apelit, si dhe të prokurorëve.