PËR VENDOSJEN E PULLAVE NË ARTIKUJT E DUHANEVE E TË PIJEVE ALKOOLIKE DHE PËR NGJYROSJEN E NËNPRODUKTEVE TË NAFTËS

Lloji: Ligj

Fletore Zyrtare: nr. 19, datë 1997-12-29

LIGJ

Nr.8262, datë 15.12.1997

PËR VENDOSJEN E PULLAVE NË ARTIKUJT E DUHANEVE E TË PIJEVE

ALKOOLIKE DHE PËR NGJYROSJEN E NËNPRODUKTEVE TË NAFTËS

Në bazë të nenit 16 të ligjit nr.7491, datë 29.4.1991 "Për dispozitat kryesore kushtetuese", me

propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Artikujt e duhanit e të pijeve alkoolike që prodhohen, importohen, magazinohen ose hidhen

në qarkullim në Republikën e Shqipërisë, pajisen detyrimisht me pullën fiskale të Ministrisë së

Financave.

Neni 2

Pulla fiskale e Ministrisë së Financave është letër me vlerë dhe monopol i shtetit.

Neni 3

Ngjyrosja e nënprodukteve të naftës, të parashikuara nga dispozitat në fuqi, që prodhohen në

vend ose importohen dhe hidhen në qarkullim në Republikën e Shqipërisë, ka vlerën e pajisjes me

pullë fiskale.

Ngjyrosja dhe denatyrimi i nënprodukteve të naftës në import bëhet nga organet doganore në

momentin e hyrjes së tyre në territorin e Republikës së Shqipërisë, kurse për ato që prodhohen në

vend, ngjyrosja bëhet nga organet tatimore në momentin e magazinimit të tyre në depozitat e

prodhuesit.

Ngjyrosja dhe denatyrimi do të bëhet me kimikate të përcaktuara nga Ministria e Financave

dhe në përputhje me standardet shtetërore.

Neni 4

Në rastet kur mallrat, të cilat detyrimisht duhet të jenë të pajisura me pullën fiskale të