PËR ENTIN RREGULLATOR TË TELEKOMUNIKACIONEVE

Lloji: Ligj

Fletore Zyrtare: nr. 6, datë 1998-03-09

LIGJ

Nr.8288, datë 18.2.1998

PËR ENTIN RREGULLATOR TË TELEKOMUNIKACIONEVE

Në mbështetje të nenit 16, të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

TË PËRGJITHSHME

Neni 1

Objekti i ligjit

Objekti i ligjit është ngritja e Entit Rregullator të Telekomunikacioneve (ERT). Në këtë ligj

përcaktohen funksionet, kompetencat dhe procedurat, në bazë të të cilave ky ent do të punojë.

Objektiv i rëndësishëm i këtij ligji është garantimi dhe mbrojtja e interesave publikë dhe

krijimi i një mjedisi transparent ligjor e rregullator që do të nxitë investimet private në këtë sektor.

Neni 2

Përkufizime

1. “Enti Rregullator i Telekomunikacioneve” është institucion i rregullimit të sektorit të

telekomunikacioneve (ERT).

2. “Këshill” do të kuptohet Këshilli Drejtues i ERT.

3. “Ministri” është ministria që mbulon telekomunikacionet në Republikën e Shqipërisë.

4. “Shërbime të telekomunikacioneve” janë veprimtari tregtare të transferimit të

informacioneve nga një burim drejt një ose me shumë destinacioneve.

5. “Interkoneksion” është lidhja midis rrjeteve të operatorëve të ndryshëm.

6. “Operator” është çdo person fizik apo juridik, i cili i ofron publikut shërbime

telekomunikacionesh.