PËR FORCAT SPECIALE DHE ATO TË NDËRHYRJES SË SHPEJTË

Lloji: Ligj

Fletore Zyrtare: nr. 6, datë 1998-03-09

LIGJ

Nr. 8292, datë 25.2.1998

PËR FORCAT SPECIALE DHE ATO TË NDËRHYRJES SË SHPEJTË

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Forcat speciale dhe ato të ndërhyrjes së shpejtë përbëhen nga njësi të specializuara të policisë,

të cilat e ushtrojnë veprimtarinë e tyre në përputhje me dispozitat e këtij ligji për zgjidhjen e situatave,

kur ka prishje të rënda të rendit, akte terrorizmi e banditizmi dhe krime të tjera të rënda, detyra të cilat

nuk mund të kryhen nga forcat e tjera të policisë.

Forcat speciale dhe ato të ndërhyrjes së shpejtë bëjnë pjesë në strukturën e Drejtorisë së

Përgjithshme të Policisë në Ministrinë e Brendshme.

Neni 2

Forcat speciale dhe ato të ndërhyrjes së shpejtë gjatë ushtrimit të detyrës, zbatojnë me

përpikëri dispozitat kushtetuese, kërkesat e ligjit dhe respektojnë e mbrojnë të drejtat dhe liritë e

shtetasve.

KREU II

ORGANIZIMI I FORCAVE SPECIALE DHE ATYRE TË NDËRHYRJES SË SHPEJTË

Neni 3

Forcat speciale dhe ato të ndërhyrjes së shp ejtë përbëhen nga efektiva oficerë, nënoficerë dhe

policë me pagesë. Organika e tyre përcaktohet me vendim të Këshillit të Ministrave.

Neni 4