PËR POLICINË KRIMINALE

Lloji: Ligj

Fletore Zyrtare: nr. 6, datë 1998-03-09

LIGJ

Nr.8293, datë 26.2.1998

PËR POLICINË KRIMINALE

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Policia kriminale është strukturë e specializuar pranë Drejtorisë së Përgjithshme të Policisë në

Ministrinë e Brendshme dhe në organet e saj vartëse në bazë për të luftuar kriminalitetin.

Neni 2

Veprimtaria e policisë kriminale realizohet në mënyrë të hapur ose të fshehtë për të mbrojtur

jetën, shëndetin, pasurinë, të drejtat dhe liritë e njeriut, sigurinë sociale e shtetërore nga veprimtaria

kriminale në gjithë territorin e Republikës së Shqipërisë.

Neni 3

Veprimtaria e policisë kriminale bazohet në parimin e ligjshmërisë, të respektimit të lirive dhe

të drejtave të njeriut, të ruajtjes së sekretit dhe të bashkërendimit të veprimeve të hapura e të fshehta.

Neni 4

Bazat ligjore të veprimtarisë së policisë kriminale janë :

- dispozitat kryesore kushtetuese të Republikës së Shqipërisë;

- ky ligj;

- ligjet e tjera që e ngarkojnë me detyra policinë kriminale;

- aktet nënligjore të dala nga Këshilli i Ministrave dhe titullari i Ministrisë së Brendshme

brenda kompetencave të tij.

Neni 5

Policia kriminale ka për detyrë:

- zbulimin, parandalimin dhe ndërprerjen e veprimtarisë kriminale, evidencimin dhe kapjen e