PËR SIGURINË NË AVIACIONIN CIVIL SHQIPTAR

Lloji: Ligj

Fletore Zyrtare: nr. 9, datë 1998-04-21

LIGJ

Nr.8310, datë 19.3.1998

PËR SIGURINË NË AVIACIONIN CIVIL SHQIPTAR

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRJGITHSHME

Neni 1

Qëllimi

Ky ligj ka për qëllim të garantojë zbatimin e normave të sigurisë, rregullsinë dhe

efektshmërinë e aviacionit civil kombëtar e ndërkombëtar në Republikën e Shqipërisë.

Neni 2

Përkufizime

Në zbatim të këtij ligji termat vijues kanë këto kuptime:

“Siguri” - kombinim i masave, i njerëzve dhe mjeteve për të ruajtur interesat e aviacionit civil

kombëtar e ndërkombëtar nga aktet e ndërhyrjeve të paligjshme.

“Kontroll sigurie” - kontrolli për mbartjen e eksploziveve dhe sendeve të tjera të mundshme

në kryerjen e një akti të ndërhyrjes së paligjshme që duhet ndaluar.

“Programi i sigurisë” - të gjitha masat e zbatuara në parandalimin e akteve të ndërhyrjeve të

paligjshme kundër interesave kombëtarë dhe ndërkombëtarë të aviacionit civil.

“Ekran” - përdorimi i teknikës ose i mjeteve të tjera për të zbuluar armët, eksplozivët ose

pajisjet e tjera të rrezikshme, nga të cilat mund të kryhet një krim a një akt i paligjshëm.

“Zona tranzite” - zona ku pasagjerët futen pasi kalojnë ekranin dhe para se të futen në bord.