PËR DISA NDRYSHIME NË LIGJIN NR.8224, DATË 15.5.1997 "PËR ORGANIZIMIN DHE FUNKSIONIMIN E POLICISË SË BASHKISË DHE TË KOMUNËS

Lloji: Ligj

Fletore Zyrtare: nr. 12, datë 1998-05-22

LIGJ

Nr.8335, datë 23.4.1998

PËR DISA NDRYSHIME NË LIGJIN NR.8224, DATË 15.5.1997 "PËR ORGANIZIMIN DHE

FUNKSIONIMIN E POLICISË SË BASHKISË DHE TË KOMUNËS

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Në ligjin nr.8224, datë 15.5.1997, në nenin 1, paragrafi i parë, fjala "përkatësisht" ndryshohet

dhe zëvendësohet me fjalët "Për detyrat që kryen, ajo është".

Neni 2

Neni 2 ndryshohet si vijon:

"Policia e bashkisë dhe e komunës, si rregull, ka këtë strukturë:

- inspektori - shefi i seksionit të policisë në bashki ose në komunë;

- policë.

Në këshillin e rrethit emërohet kryeinspektori i rrethit për policinë e bashkisë e të komunës."

Neni 3

Në nenin 3, paragrafl i parë, fjalët "Ministri i Brendshëm" zëvendësohen me fjalët "Drejtori i

Përgjithshëm i Policisë".

Në paragrafin e dytë, pas fjalëve "Ai kryen me autorizim të prokurorit edhe funksione"

shtohet fjala "të oficerit".

Neni 4

Në nenin 5, fjala "oficerët" ndryshohet me fjalët "shefin e seksionit dhe inspektorët".

Neni 5

Në nenin 8, pika 1, fjala "urdhrave" zëvendësohet me fjalën "akteve" dhe fjala "vendimeve"

hiqet.

Pika 9 ndryshohet si vijon:

"Të inspektojë respektimin e dispozitave ligjore që rregullojnë veprimtarinë e shitblerjes në

mjedise publike".