PËR KRITERET DHE MËNYRËN E SHPËRNDARIES SË PASURISË SË PERSONAVE JURIDIKË JOBANKARË QË KANË MARRË HUA NGA PUBLIKU I GJERË

Lloji: Ligj

Fletore Zyrtare: nr. 14, datë 1998-06-23

LIGJ

Nr. 8360, datë 10.6.1998

PËR KRITERET DHE MËNYRËN E SHPËRNDARIES SË PASURISË SË PERSONAVE

JURIDIKË JOBANKARË QË KANË MARRË HUA NGA PUBLIKU I GJERË

Nisur nga qëllimi i mbrojtjes sa më të mirë të interesave të kreditorëve, në zbatim të programit

të qeverisë dhe në mbështetje të nenit 16 të ligjit nr. 7491, datë 29.4.1991 "Për dispozitat kryesore

kushtetuese", nenit 10 të ligjit nr.8227, datë 30.7.1997 "Për kontrollin financiar të personave juridikë

jobankarë që kanë marrë hua nga publiku i gjerë", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VEND 0 SI:

Neni 1

1. Ky ligj rregullon mënyrën e shpë rndarjes së vlerave financiare të shoqërive treg tare,

subjekte te ligjit nr. 8227, datë 30.7.1997 "Për kontrollin financiar të personave juridikë jobankarë që

kanë marrë hua nga publiku i gjerë".

2. Mënyra e vënies në shitje të pasurive të shoqërive të mësipërme bëhet me ligj të veçantë.

Neni 2

Përkufizime

Në kuptim të këtij ligji:

a) "Shoqëria huamarrëse" është shoqëria tregtare subjekt i ligjit nr. 8227, datë 30.7.1997 "Për

kontrollin financiar të personave juridikë jobankarë që kanë marrë hua nga publiku i gjerë".

b) Kreditor është personi fizik ose juridik, i cili ka depozituar të holla tek shoqëria huamarrëse

ose ndaj të cilit kjo shoqëri ka detyrime.

c) "Aset" është çdo pronë e shoqërive ose e personave të lidhur me to.