PËR BARNAT

Lloji: Ligj

Fletore Zyrtare: nr. 6, datë 1994-06-23

LIGJ

Nr.7815, datë 20.4.1994

PËR BARNAT

Në mbështetje të nenit 16 të lig jit nr.7491, datë 29.4.1991 “Për dispozitat kryesore

kushtetuese”, me propozim të Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Ky ligj ka për qëllim të përcaktojë rregullat për fabrikimin, importimin , eksportimin,

tregtimin , përdorimin dhe kontrollin e cilësisë së barnave që përdoren për njerëzit në Republikën e

Shqipërisë.

Neni 2

Këtij ligji i nënshtrohen gjithë subjektet, persona juridikë e fizikë, shtetërorë e privatë, vendas

e të huaj që plotësojnë kushtet dhe ushtrojnë veprimtaritë e parashikuara në këtë ligj.

Neni 3

Sipas këtij ligji, me “Barna” kuptohen lëndët e para medikamentoze dhe përgatesat e përftuara

prej tyre që përdoren në sasi dhe rrugë të caktuar në organizmin e njeriut, me qëllim që:

a) të parandalojnë, diagonistikojnë, përmirësojnë e mjekojnë sëmundjet dhe simptomat e tyre.

b) të ndikojnë pozitivisht në natyrën dhe gjendjen e funksionev e fiziologjike të trupit të

njeriut.

Neni 4

Barnat që i përgjigjen farmakopesë dhe standardeve shqiptare ekzistuese e që janë të

regjistruara sipas kërkesave të këtij ligji, lejohet të prodhohen, tregtohen, importohen, eksportohen dhe

të përdoren në Republikën e Shqipërisë, me përjashtim të rasteve që parashikohen në këtë ligj.