PËR GRUMBULLIMIN E ARMËVE DHE MUNICIONEVE LUFTARAKE

Lloji: Ligj

Fletore Zyrtare: nr. 20, datë 1998-08-18

LIGJ

Nr. 8388, datë 5.8,1998

PËR GRUMBULLIMIN E ARMËVE DHE MUNICIONEVE LUFTARAKE

Në mbështetje të nenit 16 të ligjit nr.7491, datë 29.4. 1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti i ligjit

Me këtë ligj rregullohen dorëzimi vullnetar, grumbullimi i detyrushëm, regjistrimi i armëve

dhe i municionit luftarak që mbahet pa lejë, si dhe përcaktohen masat që u shërbejnë forcimit të rendit

publik dhe parandalimit të krimeve.

Neni 2

Parimet e procesit të grumbullimit të armëve

Procesi i grumbullimit të armëve respekton mbrojtjen e të drejtave dhe të lirive themelore të

njeriut dhe shoqërohet me sensibilizimin e opinionit, për të siguruar mirëkuptimin ndërmjet shtetasve

dhe forcave politike per arritjen e qëllimeve të këtij ligji.

KREU II

KOMISIONET PËR GRUMBULLIMIN E ARMËVE

Neni 3

Komisioni Qendror për Grumbullimin e Armëve

Për të realizuar procesin e grumbullimit të armëve në Republikën e Shqipërisë krijohet

Komisioni Qendror për Grumbullimin e Armëve, me këtë përbërje:

- zëvendëskryetari i Këshillit të Ministrave

dhe ministri i Pushtetit Lokal kryetar

- ministri i Rendit Publik zëvendëskryetar