PËR DISA SHTESA DHE NDRYSHIME NË LIGJIN NR.7986, DATË 13.9.1995 "PËR INSPEKTORATIN SHTETËROR TË PUNËS"

Lloji: Ligj

Fletore Zyrtare: nr. 22, datë 1998-10-05

LIGJ

Nr.8394, datë 2.9.1998

PËR DISA SHTESA DHE NDRYSHIME NË LIGJIN NR.7986, DATË 13.9.1995 "PËR

INSPEKTORATIN SHTETËROR TË PUNËS"

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Në ligjin nr.7986, datë 13.9.1995 "Për Inspektoratin Shtetëror të Punës" bëhen këto shtesa e

ndryshime:

Neni 1

Pikat 2 dhe 3 të nenit 2 ndryshohen si më poshtë:

- Me termin "ministër" kuptohet ministri i Punës dhe i Çështjeve Sociale.

- Me termin "ministri" kuptohet Ministria e Punës dhe e Çështjeve Sociale.

Neni 2

Neni 6 ndryshohet si vijon:

"Inspektorati Shtetëror i Punës hyn në marrëdhënie dhe zhvillon një bashkëpunim efektiv me:

a) ministritë dhe inspektoratet e varura prej tyre;

b) Insitutin e Shëndetit Publik, përsa i takon higjienës industriale;

c) shërbime të tjera dhe institucione që kryejnë veprimtari të ngjashme;

ç) organet e policisë;

d) gjithë punëdhënësit dhe punëmarrësit.

Mënyrat dhe format e bashkëpunimit me institucionet dhe organizatat e lartpërmendura

rregullohen me vendim të Këshillit të Ministrave ose me marrëveshje dypalëshe.

Neni 3

Në nenin 11 bëhen këto ndryshime:

a) Në shkronjën "b" të pikës 1 pas fjalës "anketimi", shtohen fjalët "apo fotografimi".