PËR DISA NDRYSHIME NË LIGJIN NR.7893, DATË 22.12.1994 "PËR SHKENCËN DHE ZHVILLIMIN TEKNOLOGJIK"

Lloji: Ligj

Fletore Zyrtare: nr. 22, datë 1998-10-05

LIGJ

Nr.8401, datë 9.9.1998

PËR DISA NDRYSHIME NË LIGJIN NR.7893, DATË 22.12.1994 "PËR SHKENCËN DHE

ZHVILLIMIN TEKNOLOGJIK"

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e një grupi deputetësh

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Në ligjin nr.7893, datë 22.12.1994 "Për shkencën dhe zhvillimin teknologjik" në të gjitha

nenet, fjalët "Komiteti i Shkencës dhe Teknologjisë" zëvendësohen me "Ministria e Arsimit dhe e

Shkencës".

Neni 2

Neni 18 i ligjit nr.7893, datë 22.12.1994 "Për shkencën dhe zhvillimin teknologjik"

ndryshohet:

"1. Akademia e Shkencës së Shqipërisë (më tej Akademia) është institucion qendro shkencor

kombëtar, që përfshin në sistemin e vet institucione shkencore, Asamblenë dhe Senatin Akademik.

2. Akademia ka për detyrë:

- të kryejë kërkime shkencore fondamentale dhe aplikative në fusha të ndryshme të shkencave

sociale, humanitare, natyrore e albanologjike;

- të kujdeset për të hapur fusha të reja të kërkimeve shkencore, në përputhje me nevojat e

vendit;

- t'u parashtrojë organeve shtetërore çështje të rëndësishme për gjendjen e kërkimit shkencor e

të zhvillimit teknologjik në fusha të ndryshme për rrugët e zhvillimit të shkencës e të kulturës;

- të punojë për përfshirjen sa më të frytshme të shkencës shqiptare në shkencën botërore.