PËR NJË NDRYSHIM NË LIGJIN NR.8318, DATË 1.4.1998 "PËR DHËNIEN ME QIRA TË TOKËS BUJQËSORE E PYJORE, TË LIVADHEVE E KULLOTAVE, QË JANË PASURI SHTETËRORE"

Lloji: Ligj

Fletore Zyrtare: nr. 23, datë 1998-10-10

LIGJ

Nr.8406, datë 17.9.1998

PËR NJË NDRYSHIM NË LIGJIN NR.8318, DATË 1.4.1998 "PËR DHËNIEN ME QIRA TË

TOKËS BUJQËSORE E PYJORE, TË LIVADHEVE E KULLOTAVE, QË JANË PASURI

SHTETËRORE"

Në mbështetje të nenit 16, të ligjit nr.7491, datë 29.4.1991 "Për dispoz itat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Në ligjin nr.8318, datë 1.4.1998 "Për dhënien me qira të tokës bujqësore e pyjore, të livadheve

e kullotave, që janë pasuri shtetërore" në nenin 2, paragrafi i dytë ndryshohet si vijon:

"Me "Qiradhënës" nënkuptohet shteti, i përfaqësuar nga Ministria e Bujqësisë dhe e Ushqimit

dhe nga organizmat në varësi të saj, të cilat kanë të drejtë të lidhin kontratë qiraje për tokën bujq ësore

e pyjore, livadhet e kullotat që janë pasuri shtetërore me miratim të Ministrit të Bujqësisë".

Neni 2

Çdo dispozitë tjetër që bie në kundërshtim me këtë ligj shfuqizohet.

Neni 3

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2225, datë 30.9.1998 të Presidentit të Republikës së Shqipërisë, Rexhep

Meidani