Për riprodhuesit racë-pastër dhe tufat racore në blegtori

Lloji: Ligj

Fletore Zyrtare: nr. 25, datë 1998-10-23

LIGJ

Nr.8409, datë 25.9.1998

PËR RIPRODHUESIT RACË-PASTËR DHE TUFAT RACORE NË BLEGTORI

Në mbështetje të nenit 16 të ligjit nr. 7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Qëllimi i ligjit

Qëllimi i këtij ligji është:

1. mbështetja e veprimtarisë së përmirësimit racor të kafshëve bujqësore që mbarështohen në

territorin e Republikës së Shqipërisë;

2. mbështetja e ngritjes dhe e funksi onimit të strukturave të përmirësimit racor të kafshëve

bujqësore;

3. disiplinimi i funksionimit të hallkave të përmirësimit racor të kafshëve bujqësore.

Neni 2

Përkufizimet

Në këtë ligj termat e përdorur kanë këtë kuptim:

1. "Kafshë - pastër" quhen kafs hët bujqësore, të vendit ose të importuara, që nuk bartin

formacion gjenetik të racave të tjera, për jo më pak se dy brezni të paraardhësve të njohur.

2. "Riprodhues racë - pastër" quhen kafshët, paraardhësit e breznive të para dhe të dyta të të

cilëve janë të regjistruar në një libër gjenealogjik të së njëjtës racë. Vetë këta individë plotësojnë

kushtet për t'u regjistruar në një libër gjenealogjik.

3. "Material biologjik" quhen sperma, ovulat dhe embrionet.

4. "Libër gjenealogjik" quhet libri, regjistri, skedari apo suporti informatik ku regjistrohen të

dhënat e kafshëve.