Për ushqimet e blegtorisë

Lloji: Ligj

Fletore Zyrtare: nr. 25, datë 1998-10-23

LIGJ

Nr.8411, datë 1.10.1998

PËR USHQIMET E BLEGTORISË

Në mbështetje të nenit 16 të ligjit nr. 7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKES SË SHQIPËRISË

VENDOSI:

Neni 1

Qëllimi i ligjit

Qëllimi i këtij ligji është:

1. Mbështetja e shtimit të prodhimit të produkteve blegtorale.

2. Sigurimi i cilësisë, sipas standardeve të miratuara, të produkteve shtazore për aq sa ato

ndikohen nga ushqimi.

3. Mënjanimi i dëmtimit të shëndetit të kafshëve nga përdorimi i ushqimeve.

4. Mbrojtja nga mashtrimi në prodhimin dhe tregtimin e ushqimeve për kafshët , të lëndëve

shtesë dhe parapërzierjeve.

Neni 2

Fushat e ligjit

Ky ligj zbatohet në:

a) produkte me origjinë bimore, shtazore e minerare, si dhe në preparatet kimiko -industriale,

të cilat, veçmas ose të përziera midis tyre, destinohen për t'u përdorur për të ushqyer blegtorinë;

b) prodhimin, përpunimin, tregtimin, inspektimin dhe kontrollin e ushqimeve për kafshët

Neni 3

Përkufizimet

Në këtë ligj termat e përdorur kanë këtë kuptim:

1. Blegtori quhen kafshët dhe shpendët e të gjitha specieve me interes zooteknik.

2. Ushqime për blegtorinë quhen lëndët, të cilat veçmas (ushqime të veçanta), në përzierje me

njëra-tjetrën (përzierje ushqimore) ose me lëndë shtesë, në gjendje të pandryshuar ose të përpunuara,