PËR VRESHTARINË, VERËN DHE PRODUKTET E TJERA QË RRJEDHIN NGA RRUSHI

Lloji: Ligj

Fletore Zyrtare: nr. 3, datë 1999-02-22

LIGJ

Nr.8443, datë 21.1.1999

PËR VRESHTARINË, VERËN DHE PRODUKTET E TJERA

QË RRJEDHIN NGA RRUSHI

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

KREU I

QËLLIMI DHE PËRKUFIZIMET

Qëllimi

Neni 1

Ky ligj ka për qëllim të përcaktojë dhe të vendosë rregullat bazë për mbarështimin e

vreshtarisë, për prodhimin e rrushit, të verërave dhe produkteve të tjera, që rrjedhin prej tij, në

Republikën e Shqipërisë.

Kërkesave të këtij ligji u nënshtrohen të gjithë fermerët, subjektet fizike e juridike,

vendase dhe të huaja, që ushtrojnë veprimtaritë që përcaktohen në këtë ligj.

Përkufizime

Neni 2

Në këtë ligj temat e përdorur kanë këtë kuptim:

1.”Vreshtari” quhet shumëllojshmëria e formave të shtimit dhe të kultivimit të hardhisë.

a. “Vreshta” quhen sipërfaqet jo më të vogla se 250 m2, të mbjella me hardhi, në distanca

të ndryshme, që kanë jo më pak se 50 për qind të numrit të bimëve që lejon skema e mbjelljes.

b. “Pjergulla” quhen hardhitë që mbështeten në drurë pyjorë ose frutorë të ndryshëm, në

shtrate horizontale, të vetmuara ose në grup.

c. “Ereke” quhen hardhitë e mbajtura në mbështetëse vertikale, në formë gardhesh, të

vetmuara ose në grup.

2. “Rajonizim ” quhen përcaktimi konkret i zonave klimatiko -tokësore, sipas