PËR TË HUAJT

Lloji: Ligj

Fletore Zyrtare: nr. 20, datë 1999-07-21

LIGJ

Nr.8492, datë 27.5.1999

PËR TË HUAJT

Në mbështetje të neneve 78 dhe 83 pika 1 të Kushtetutës, me propozim të Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti i ligjit

Ky ligj rregullon regjimin e hyrjes, të qëndrimit, qarkullimit, punësimit të të huajve në

Republikën e Shqipërisë, si dhe të daljes së tyre prej territorit të saj.

Neni 2

Përkufizime

Në zbatim të këtij ligji termat vijuese kanë këto kuptime:

“I huaj” – është çdo person, i cili sipas legjislacionit shqiptar nuk është shtetas shqiptar;

“azilkërkues” – është çdo person i quajtur i tillë nga ligji nr.8432, datë 14.12.1998 “Për

Azilin";

“refugjat” – është çdo person i quajtur si i tillë nga ligji 8432, datë 14.12.1998 “Për

Azilin”;

“pjesëtarë të familjes” – janë:

a) Bashkëshorti ose bashkëshortja (vlefshmëria e martesës përcaktohet sipas ligjit të

vendit të lidhjes së martesës);

b)prindërit, njerku, njerka;

c)fëmijët nën 18 vjeç, të pamartuar dhe që bashkëjetojnë me prindërit;

ç) anëtarë të tjerë të familjes të cilët bashkëjetojnë ligjërisht;

“vizë” – është autorizim zyrtar i lëshuar nga autoritetet shqiptare një të huaji, për të hyrë

në Republikën e Shqipërisë;

“kërkesë paraprake e detyruar për vizë” – nënkupton kërkesën e shtetasit të huaj për të

marrë vizën para se të paraqitet në kufirin e Republikës së Shqipërisë;