PËR FUNKSIONIMIN E ORGANEVE KOLEGJIALE TË ADMINISTRATËS SHTETËRORE DHE ENTEVE PUBLIKE

Lloji: Ligj

Fletore Zyrtare: nr. 19, datë 1999-07-20

LIGJ

Nr.8480, datë 27.5.1999

PËR FUNKSIONIMIN E ORGANEVE KOLEGJIALE TË ADMINISTRATËS

SHTETËRORE DHE ENTEVE PUBLIKE

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave

KUVENDI

I REPUBLIKËS SË SHQIPËRISË

VENDOS I:

Neni 1

Përkufizime

Organe kolegjiale të administratës shtetërore dhe të enteve publike në kuptimin e këtij

ligji, do të quhen të gjitha ato subjekte të së drejtës publike të cilat e ushtrojnë veprimtarinë e tyre

ekzekutive vendimarrëse në mënyrë kolegjiale.

Me ent publik për qëllimet e këtij ligji do të kuptohet çdo subjekt i së drejtës publike

joshtetëror, i krijuar me ligj dhe që synon realizimin e një interesi publik.

Neni 2

Kryetari dhe sekretari

1. Çdo organ kolegjial ka një kryetar dhe një sekretar, të cilët zgjidhen nga anëtarët e këtij

organi, me përjashtim të rasteve kur me ligj parashikohet ndryshe.

2. Kryetari i organit kolegjial, përveç funksioneve të tjera, drejton mbledhjen e tij, drejton

diskutimet dhe siguron zbatimin e ligjit dhe marrjen e vendimeve të drejta.

3. Kryetari mund të shtyjë ose të mbyllë mbledhjen përpara kohe, në rastet kur situata e

përligj këtë veprim. Në këto raste duhet të merret një vendim i arsyetuar, i cili do të pasqyrohet në

procesverbalin e mbledhjes.

4. Kryetari ose çdo anëtar tjetër i organit kolegjial ka të drejtë të bëjë ankime në gjykatë