PËR SHËRBIMIN POSTAR NË REPUBLIKËN E SHQIPËRISË

Lloji: Ligj

Fletore Zyrtare: nr. 27, datë 1999-10-22

LIGJ

Nr.8530, datë 23.9.1999

PËR SHËRBIMIN POSTAR NË REPUBLIKËN E SHQIPËRISË

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave

KUVENDI

I REPUBLIKËS SË SHQIPËRISË

VENDOSI

KREU I

DISPOZITA TË PËRGJITHSHME

Neni 1

Objekti i ligjit

1. Ky ligj rregullon ofrimin e veprimtarive postare, kushtet e kryerjes së shërbimeve

postare, rolin e shtetit në sektorin postar, si dhe të drejtat dhe detyrat përkatëse të operatorëve dhe

të përdoruesve.

Neni 2

Qëllimi

Qëllimi i këtij ligji është:

1. Sigurimi i ofrimit të shërbimit bazë postar në të gjithë territorin e Republikës së

Shqipërisë.

2. Mbrojtja e interesave të përdoruesve dhe sigurimi i trajtimit të barabartë të tyre.

3. Nxitja e konkurrencës së lirë dhe efektive në ofrimin e shërbimeve postare.

4. Nxitja e përmirësimit të vazhdueshëm të cilësisë së shërbimit.

5. Sigurimi i sekretit të korrespondencës dhe trajtimi konfidencial i të gjitha të dhënave

për përdoruesin.

Neni 3

Përkufizime

Në kuptim të këtij ligji e në përputhje me terminologjinë ndërkombëtare në fushën e

postave, sipas Glosarit të përcaktuar nga Bashkimi Postar i Përbotshëm (UPU), termat e

mëposhtme kanë kuptimin që vijon:

1.”Shërbime postare” kuptohen shërbimet e kryera kundrejt pagesës për transmetimin e

objekteve të postës së letrave ose për transmetimin e kolive të adresuara, deri në një peshë 30 kg