PËR DISA SHTESA E NDRYSHIME NË KODIN CIVIL TË REPUBLIKËS SË SHQIPËRISË

Lloji: Ligj

Fletore Zyrtare: nr. 29, datë 1999-11-22

LIGJ

Nr.8536, datë 18.10.1999

PËR DISA SHTESA E NDRYSHIME NË KODIN CIVIL TË REPUBLIKËS SË SHQIPËRISË

Në mbështetje të neneve 81 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Në ligjin nr.7850, datë 29.7.1994 “Për Kodin Civil të Republikës së Shqipërisë” bëhen këto

shtesa e ndryshime:

Neni 1

Në nenin 499 shtohet paragrafi i tretë, me këtë përmbajtje:

“Dispozitat për kalimin e kredisë nuk zbatohen ndaj kredive që lidhen me transaksione

financiare, ndaj të cilave janë vendosur barrë siguruese, sipas kritereve të përcaktuara me ligj të

veçantë.”

Neni 2

Në nenin 546 shtohet një paragraf i dytë, me këtë përmbajtje:

“Dispozitat për pengun nuk zbatohen ndaj kredive që lidhen me transaksione financiare, ndaj

të cilave janë vendosur barrë siguruese, sipas kritereve të përcaktuara me ligj të veçantë.”

Neni 3

Neni 605 ndryshohet si më poshtë:

“Neni 605

Radha e preferimit

Paguhen me preferim, sipas radhitjes së tyre kreditë e mëposhtme:

a. kreditë që rrjedhin nga transaksionet financiare të siguruara me barrë siguruese për çmimin

e blerjes së një objekti të veçantë;

b. kreditë që rrjedhin nga pagat në marrëdhëniet e punës ose të shërbimit dhe detyrimet për

ushqim, por jo më shumë se për 12 muaj;

c. kreditë e sigurimeve shoqërore për kontributet e papaguara së bashku me kamatat, si dhe