PËR RATIFIKIMIN E “MARRËVESHJES “UMBRELLA” PËR KUADRIN INSTITUCIONAL TË KRIJIMIT TË SISTEMEVE NDËRSHTETËRORE TË TRANSPORTIMIT TË NAFTËS DHE TË GAZIT”

Lloji: Ligj

Fletore Zyrtare: nr. 4, datë 2000-01-13

LIGJ

Nr.8573, datë 3.2.2000

PËR RATIFIKIMIN E “MARRËVESHJES “UMBRELLA” PËR KUADRIN INSTITUCIONAL TË KRIJIMIT TË SISTEMEVE NDËRSHTETËRORE TË TRANSPORTIMIT TË NAFTËS DHE TË GAZIT”

Në mbështetje të neneve 78, 83 pika 1 dhe 121 të Kushtetutës dhe të ligjit nr.8371, datë 9.7.1998, “Për lidhjen e traktateve e marrëveshjeve ndërkombëtare”, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja “Umbrella” për kuadrin institucional të krijimit të sistemeve ndërshtetërore të transportimit të naftës dhe të gazit”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2553, datë 14.2.2000 të Presidentit të Republikës së Shqipërisë, Rexhep Meidani

MARRËVESHJA

“UMBRELLA” PËR KUADRIN INSTITUCIONAL PËR KRIJIMIN E SISTEMEVE NDËRSHTETËRORE TË TRANSPORTIMIT TË NAFTËS DHE TË GAZIT

Shtetet palë të kësaj Marrëveshjeje (që më poshtë do të përmenden si palë),

duke pasur të qartë se rrugët e qëndrueshme për kalimin e naftës dhe gazit drejt tregjeve botërore do të jenë të rëndësishme në prosperitetin e ardhshëm dhe sigurimin e energjisë së palëve;