PËR ADERIMIN E REPUBLIKËS SË SHQIPËRISË NË KONVENTËN “PËR MBROJTJEN E PRODHUESVE TË FONOGRAMEVE KUNDËR RIPRODHIMIT TË PAAUTORIZUAR TË TYRE”

Lloji: Ligj

Fletore Zyrtare: nr. 7, datë 2000-12-04

LIGJ

Nr. 8585, datë 15.3.2000

PËR ADERIMIN E REPUBLIKËS SË SHQIPËRISË NË KONVENTËN “PËR MBROJTJEN E PRODHUESVE TË FONOGRAMEVE KUNDËR RIPRODHIMIT TË PAAUTORIZUAR TË TYRE”

Në mbështetje të neneve 78, 83 pika 1 dhe 121 të Kushtetutës dhe të ligjit nr.8371, datë 9.7.1998 “Për lidhjen e traktateve dhe marrëveshjeve ndërkombëtare”, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në Konventën e 29 tetorit 1971 “Për mbrojtjen e prodhuesve të fonogrameve kundër riprodhimit të paautorizuar të tyre”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2576, datë 27.3.2000, të Presidentit të Republikës së Shqipërisë, Rexhep Meidani.

KONVENTA PËR MBROJTJEN E PRODHUESVE TË FONOGRAMEVE KUNDËR RIPRODHIMIT JO TË AUTORIZUAR TË TYRE

29 tetor 1971

Shtetet kontraktuese,

Të preokupuara nga shtrirja në rritje e riprodhimit jo autorizues të fonogrameve e dëmi që rezulton në mbrojtjen e të drejtave të autorëve, artistëve interpretues e prodhuesve të fonogrameve;

Të bindur që mbrojtja e prodhuesve të fonogrameve kundrejt të tilla veprimeve do t’i shërbejë gjithashtu interesave të artistëve interpretues dhe autorëve që, ekzekutimet si dhe veprat e tyre, janë regjistruar në të ashtuquajtura fonograme;