PËR RATIFIKIMIN E “KONVENTËS PËR SHMANGIEN E TATIMEVE TË DYFISHTA, PËR TATIMET MBI TË ARDHURAT DHE KAPITALIN, NDËRMJET REPUBLIKËS SË SHQIPËRISË DHE KONFEDERATËS ZVICERANE”

Lloji: Ligj

Fletore Zyrtare: nr. 9, datë 2000-04-28

LIGJ

Nr. 8597, datë 6.4.2000

PËR RATIFIKIMIN E “KONVENTËS PËR SHMANGIEN E TATIMEVE TË DYFISHTA, PËR TATIMET MBI TË ARDHURAT DHE KAPITALIN, NDËRMJET REPUBLIKËS SË SHQIPËRISË DHE KONFEDERATËS ZVICERANE”

Në mbështetje të neneve 78,83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Konventa për shmangien e tatimeve të dyfishta, për tatimet mbi të ardhurat dhe kapitalin, ndërmjet Republikës së Shqipërisë dhe Konfederatës Zvicerane.”

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2604, datë 19.4.2000 të Presidentit të Republikës së Shqipërisë, Rexhep Meidani.

KONVENTË

NDËRMJET REPUBLIKËS SE SHQIPËRISË

dhe

KONFEDERATËS ZVICERANE

PËR ELEMINIMIN E TATIMEVE TË DYFISHTA LIDHUR

ME TATIMET MBI TË ARDHURAT DHE MBI KAPITALIN

QEVERIA E REPUBLIKËS SE SHQIPËRISË DHE KËSHILLI FEDERAL ZVICERAN

DUKE DËSHIRUAR, me qëllim zhvillimin e mëtejshëm dhe lehtësimin e marrëdhënieve ekonomike, të përfundojnë një Konventë për shmangien e tatimeve të dyfishta lidhur me tatimet mbi të ardhurat dhe mbi kapitalin,

KANË RËNË dakord për sa vijon:

Neni 1

Fushëveprimi i Konventës

Kjo Konventë do të zbatohet ndaj personave që janë rezidentë të njërit ose e të dy Shteteve Kontraktuese.

Neni 2

Tatimet që mbulon Konventa