PËR DHËNIEN E DISA STIMUJVE DHE TË GARANCIVE PËR KONCENSIONARIN, NË KONTRATËN E KONCENSIONIT TË FORMËS “ROO” TË UZINËS SË SUPERFOSFATIT NË LAÇ

Lloji: Ligj

Fletore Zyrtare: nr. 10, datë 2000-09-05

LIGJ

Nr.8604, datë 20.4.2000

PËR DHËNIEN E DISA STIMUJVE DHE TË GARANCIVE PËR KONCENSIONARIN, NË

KONTRATËN E KONCENSIONIT TË FORMËS “ROO” TË UZINËS SË SUPERFOSFATIT

NË LAÇ

Në mbështetje të neneve 78, 83 pika 1 dhe 155 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Neni 1

Shoqëria “Evertrade, Shqipëri” e themeluar prej shoqërisë franc eze “Evertrade s.a.”, palë në

kontratën e koncensionit në formën “ROO” me Ministrinë e Ekonomisë Publike dhe të Privatizimit për

Uzinën e Superfosfatit sh.a. Laç për një afat 3-vjeçar sipas kontratës së koncensionit, përjashtohet nga

detyrimet vijuese:

- nga tatim fitimi;

- nga taksa doganore dhe TVSH-ja për importin e makinerive, pajisjeve dhe të lëndëve të para

për realizimin e projektit.

Neni 2

Me hyrjen në fuqi të kontratës së koncensionit, detyrimet e Uzi nës së Superfosfatit në Laç,

prej 135 milionë lekësh, trajtohen me vendim të veçantë të Këshillit të Ministrave.

Neni 3

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2612, datë 28.4.2000 të Presidentit të Republikës së Shqipërisë, Rexhep

Meidani.