PËR RATIFIKIMIN E “AMENDAMENTIT TË MARRËVESHJES DYPALËSHE “PËR RISKEDULIMIN E DETYRIMEVE TË BORXHIT TË JASHTËM TË REPUBLIKËS SË SHQIPËRISË NDAJ KREDITORËVE HOLLANDEZË””

Lloji: Ligj

Fletore Zyrtare: nr. 21, datë 2000-07-13

LIGJ

Nr. 8631, datë 3.7.2000

PËR RATIFIKIMIN E “AMENDAMENTIT TË MARRËVESHJES DYPALËSHE “PËR RISKEDULIMIN E DETYRIMEVE TË BORXHIT TË JASHTËM TË REPUBLIKËS SË SHQIPËRISË NDAJ KREDITORËVE HOLLANDEZË””

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Amendamenti i marrëveshjes dypalëshe “Për riskedulimin e detyrimeve të borxhit të jashtëm të Republikës së Shqipërisë ndaj kreditorëve Holandezë””.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2688, datë 7.7.2000 të Presidentit të Republikës së Shqipërisë, Rexhep Meidani.

TERMAT E REFERENCËS

LIDHUR ME KONSOLIDIMIN E BORXHIT

TË REPUBLIKËS SË SHQIPËRISË

I – HYRJE

Përfaqësuesit e Qeverive të Gjermanisë, Austrisë, Francës, Italisë, Japonisë, Holandës dhe të Federatës Ruse, të quajtura më poshtë “vendet pjesëmarrëse kreditore” kanë vendosur t’i akordojnë Republikës së Shqipërisë një lehtësim të shërbimit të borxhit të jashtëm të këtij vendi, në formën e një diferencimi pagesash.