PËR POLICINË ELEKTRIKE

Lloji: Ligj

Fletore Zyrtare: nr. 22, datë 2000-07-19

LIGJ

Nr. 8637, datë 6.7.2000

PËR POLICINË ELEKTRIKE

Në mbështetje të neneve 78 dhe 83 pika 1 të Kushtetutës, me pro pozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Neni 1

Policia elektrike krijohet si organ ekzekutiv i specializuar për kontrollin e zbatimit të

legjislacionit për administrimin dhe përdorimin e energjisë ele ktrike në sektorin shtetëror dhe privat

nga personat fizikë e juridikë, vendas ose të huaj, që ushtrojnë veprimtarinë e tyre në territorin e

Shqipërisë.

Neni 2

Policia elektrike është në varësi në e Ministrisë së Ekonomisë Publike dhe Privatizimit dhe

përbëhet nga Drejtoria e Policisë Elektrike dhe degët e saj në prefektura (qarqe).

Neni 3

Policia Elektrike ka këto kompetenca:

a) Ushtron kontroll për zbatimin e legjislacionit përkatës në strukturat që merren drejtpërdrejtë

me administrimin dhe përdorimin e energjisë elektrike.

b) Ushtron kontroll për mbrojtjen e rrjetit elektrik dhe të ele menteve të tij nga ndërhyrjet e

dëmtimet e kryera pa lejen e ndërmarrjeve shpërndarëse nga persona fizikë e juridikë, vendas e të huaj.

c) Kontrollon procedurën për lidhjet e reja, për dokumentacionin teknik dhe zbatimin e tij.

ç) Kontrollon sistemin matës të energjisë elektrike sa herë e gjykon të nevojshme, por jo më

pak se 1 herë në vit.

d) Kontrollon lidhjen dhe zbatimin e kontratës së marrjes të energjisë elektrike.