PËR DISA NDRYSHIME NË LIGJIN NR.8410, DATË 30.9.1998 “PËR RADION DHE TELEVIZIONIN PUBLIK E PRIVAT NË REPUBLIKËN E SHQIPËRISË”

Lloji: Ligj

Fletore Zyrtare: nr. 24, datë 2000-07-08

LIGJ

Nr. 8655, datë 31.7.2000

PËR DISA NDRYSHIME NË LIGJIN NR.8410, DATË 30.9.1998 “PËR RADION DHE TELEVIZIONIN PUBLIK E PRIVAT NË REPUBLIKËN E SHQIPËRISË”

Në mbështetje të neneve 78 dhe 83 pika 1 e Kushtetutës, me propozim të një grupi deputetësh,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8410, datë 30.9.1998 “Për radion dhe televizionin publik e privat në Republikën e Shqipërisë” bëhen këto ndryshime:

Neni 1

Në nenin 7, pika 3 ndryshohet si vijon:

“Këshilli Kombëtar i Radios dhe Televizionit administron spektrin e radiofrekuencave të caktuara për transmetime radio e televizive.

Këshilli Kombëtar i Radios dhe Televizionit administron spektrin e radiofrekuencave të caktuara për shërbimet fikse dhe lëvizëse, që përdoren nga operatorët radiotelevizivë publikë e privatë për lidhje radiorele, radiomikrofona dhe radiokamera, sipas planit kombëtar të radiofrekuencave të miratuar nga Këshilli i Ministrave.”

Në po këtë nen, pika 20 ndryshohet si vijon:

“Kontrollon cilësinë e marrjes së sinjaleve në zonat e licencuara dhe kërkon zgjidhje për ankesat e publikut për cilësinë e transmetimit të sinjaleve radiotelevizive.”

Neni 2

Neni 11 ndryshohet si vijon:

“Burimet e financimit të KKRT-së janë:

- të ardhurat nga pagesat për marrjen dhe rinovimin e licencave;

- të ardhurat nga pagesat vjetore të licencës;

- të ardhurat nga përpunimi i kërkesave për licencim;