PËR REGJISTRIMIN E PËRGJITHSHËM TË POPULLSISË DHE TË BANESAVE

Lloji: Ligj

Fletore Zyrtare: nr. 36, datë 2000-11-15

LIGJ

Nr. 8669, datë 26.10.2000

PËR REGJISTRIMIN E PËRGJITHSHËM TË POPULLSISË DHE TË BANESAVE

Në mbështetje të neneve 78 dhe 83 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi i regjistrimit

1. Regjistrimi synon t'u ofrojë Kuvendit, Qeverisë, njësive të qeverisjes vendore, organizatave

ekonomike, shkencore dhe kulturore, si dhe gjithë shoqërisë civile të dhëna të besueshme statistikore,

të nevojshme për planifikimin dhe realizimin e politikave të përgjithshme të zhvillimit, për analizat

private dhe publike të vendimmarrjes, për kërkime shkencore dhe , në përgjithësi, për përmirësimin e

njohjes dhe të të kuptuarit nga shtetasit të realitetit demografik, ekonomik dhe shoqëror të vendit.

2. Regjistrimi ofron të dhëna për:

a) numrin dhe shpërndarjen gjeografike të popullsisë rezidente (banuese);

b) strukturën demografike dhe karakteristikat kryesore të popullsisë;

c) numrin, shpërndarjen gjeografike dhe strukturën e banesave dhe të ndërtesave, që përdoren

për qëllime banimi;

ç) kushtet e strehimit të popullsisë.

3. Regjistrimi synon të ofrojë të dhëna të besueshme, të cilat do t'u mundësonin organeve

përgjegjëse, ligjore hartimin e listave zgjedhore dhe të pasqyr onin të rejat më të fundit në regjistrat

civilë.

Neni 2

Objekti i ligjit