PËR DISA NDRYSHIME NË LIGJIN NR.7962, DATË 13.7.1995, “PËR ENERGJINË ELEKTRIKE”

Lloji: Ligj

Fletore Zyrtare: nr. 37, datë 2000-11-24

LIGJ

Nr. 8679, datë 2.11.2000

PËR DISA NDRYSHIME NË LIGJIN NR.7962, DATË 13.7.1995, “PËR ENERGJINË ELEKTRIKE”

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Në nenin 13 të ligjit nr.7962, datë 13.7.1995 “Për energjinë elektrike” bëhen këto ndryshime:

1. Në titull dhe në paragrafin e parë shkronja “b”, fjala “të përtëritshme” zëvendësohet me fjalën “të rinovueshme”.

2. Në fund të shkronjës “b” shtohet një paragraf i ri me këtë përmbajtje:

“Burime të rinovueshme janë:

energjia diellore në të gjitha aplikimet e saj;

energjia e erës;

energjia gjeotermike e të gjitha llojeve;

energjia hidrike;

energjia e biomasës në të gjitha aplikimet e saj.”

3. Pas paragrafit të katërt shtohet një paragraf i ri me këtë përmbajtje:

“a) Duke filluar nga 1 janari 2001, furnizuesi dhe të gjithë prodhuesit e tjerë të pavarur të energjisë elektrike mbi 2 MW janë të detyruar të prodhojnë, për sistemin elektroenergjitik shqiptar, energji elektrike nga burime të energjive të rinovueshme, në masën 2 për qind të të gjithë sasisë së energjisë elektrike të prodhuar prej tyre nga burime të tjera.