PËR LOJËRAT E FATIT, KAZINOTË DHE HIPODROMET

Lloji: Ligj

Fletore Zyrtare: nr. 45, datë 2000-12-31

LIGJ

Nr. 8701, datë 1.12.2000

PËR LOJËRAT E FATIT, KAZINOTË DHE HIPODROMET

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Qëllimi

Ky ligj ka për qëllim të përcaktojë rregullat për mënyrën e zhvillimit të lojërave të fatit, të kazinove dhe të basteve, të cilat vihen për garat e zhvilluara në hipodrome, si dhe licencimin e organizatorit të tyre.

Neni 2

Lojërat e fatit

Përkufizimi

1. Lojëra fati quhen ato lojëra, ku pjesëmarrësit paguajnë një shumë të caktuar dhe ku faktori fat ka ndikim të drejtpërdrejtë si në fitimin, ashtu edhe në humbjen e pjesëmarrësve në secilën lojë.

2. Nuk quhen lojëra fati:

Konkurset që zhvillohen në bazë të njohurive të pjesëmarrësve, ku fituesi merr një çmim të caktuar të vendosur për këtë qëllim.

Pagesat që bëhen nga sigurimi i jetës ose llojet e tjera të sigurimit nëpërmjet tërheqjes me short të biletave të emetuara për këtë qëllim.

Neni 3

Lojërat e fatit

Kategoritë

Për qëllime të këtij ligji, lojërat e fatit klasifikohen në kategoritë e mëposhtme:

1. Lojërat aritmetike janë ato lojëra, ku pjesëmarrësi shënon sipas zgjedhjes së vet një seri numrash nga një bashkësi e caktuar numrash të shënuara në biletën e lojës. Lojtari fiton kur numrat e zgjedhur prej tij përkojnë me numrat që do të dalin në hedhjen publike të shortit të kësaj loje. Në këtë kategori hyjnë lojërat e mëposhtme: