PËR MBULIMIN E DETYRIMEVE TË SHTETIT NDAJ BANKËS SË KURSIMEVE SH.A. DHE RIKAPITALIZIMIN E SAJ NËPËRMJET EMETIMIT TË BONOVE TË THESARIT

Lloji: Ligj

Fletore Zyrtare: nr. 48, datë 2000-12-31

LIGJ

Nr. 8726, datë 26.12.2000

PËR MBULIMIN E DETYRIMEVE TË SHTETIT NDAJ BANKËS SË KURSIMEVE SH.A.

DHE RIKAPITALIZIMIN E SAJ NËPËRMJET EMETIMIT TË BONOVE TË THESARIT

Në mbështetje të neneve 78, 83 pika 1 dhe 84 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Neni 1

Detyrimet e papaguara ndaj Bankës së Kursimeve sh.a, në shumën prej 7.607 milionë lekësh,

paguhen nëpërmjet emetimit të bonove të thesarit, me terma dhe kushte tregtare. Termat dhe kushtet e

emetimit të bonove të thesarit përcaktohen me vendim të Këshillit të Ministrave.

Neni 2

Mbulimi i humbjeve të akumuluara, pas zbritjes së fitimit, dhe rikapitalizimi i Bankës së

Kursimeve sh.a., sipas bilancit të audituar, të datës 31.12.1999, për shumën prej 9.640 milionë lekësh

paguhet nëpërmjet emetimit të bonove të thesarit, me terma dhe kushte tregtare.Termat dhe kushtet e

emetimit të bonove të thesarit përcaktohen me vendim të Këshillit të Ministrave.

Neni 3

Garancia e Ministrisë së Financave për Ujëmbledhësin e Bovillës është e vlefshme sipas

marrëveshjes së datës 22.11.1993; Ministria e Financave dhe Banka e Kursimeve sh.a., të zgjidhin, me

marrëveshje ndërmjet tyre, përcaktimin e pagimit me këste nga Buxheti i Shtetit të kësaj shume deri në

shlyerjen përfundimtare të këtij detyrimi, brenda vitit 2001.

Neni 4

Ky ligj hyn në fuqi menjëherë.