PËR ORGANIZIMIN DHE FUNKSIONIMIN E SHËRBIMIT TË PËRMBARIMIT GJYQËSOR

Lloji: Ligj

Fletore Zyrtare: nr. 1, datë 2001-02-05

LIGJ

Nr.8730, datë 18.1.2001

PËR ORGANIZIMIN DHE FUNKSIONIMIN E SHËRBIMIT TË PËRMBARIMIT GJYQËSOR

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti i ligjit

Ky ligj përcakton:

a) rregullat e organizimit dhe të funksionimit të Shërbimit të Përmbarimit Gjyqësor;

b) kriteret që duhet të përmbushin shtetasit që të emërohen përmbarues gjyqësorë;

c) statusin dhe procedimin disiplinor të përmbaruesit gjyqësor;

ç) marrëdhëniet me institucionet shtetërore dhe me subjektet e tjera publike dhe private.

Neni 2

Objekti i veprimtarisë

1. Shërbimi i Përmbarimit Gjyqësor ka për mision ekzekutimin e detyrueshëm të titujve ekzekutivë, në rastet e përcaktuara në Kodin e Procedurës Civile.

2. Shërbimi i Përmbarimit Gjyqësor i ushtron funksionet nëpërmjet përmbaruesve gjyqësorë.

Neni 3

Organizimi

Shërbimi i Përmbarimit Gjyqësor ka organizim unik dhe të centralizuar, me shtrirje në të gjithë territorin e Republikës së Shqipërisë.

Neni 4

Parimet e veprimtarisë

Ligjshmëria dhe objektiviteti, si dhe respektimi i të drejtave dhe lirive të garantuara me ligj subjekteve që marrin pjesë në ekzekutim, janë parimet bazë të punës së Shërbimit të Përmbarimit Gjyqësor.

Neni 5

Përmbaruesi gjyqësor