PËR ADERIMIN E REPUBLIKËS SË SHQIPËRISË NË “KONVENTËN NDËRKOMBËTARE PËR ASISTENCË TË NDËRSJELLË ADMINISTRATIVE PËR PARANDALIMIN, HETIMIN DHE GODITJEN E SHKELJEVE DOGANORE”

Lloji: Ligj

Fletore Zyrtare: nr. 15, datë 2001-04-16

LIGJ

Nr.8759, datë 26.3.2001

PËR ADERIMIN E REPUBLIKËS SË SHQIPËRISË NË “KONVENTËN NDËRKOMBËTARE PËR ASISTENCË TË NDËRSJELLË ADMINISTRATIVE PËR PARANDALIMIN, HETIMIN DHE GODITJEN E SHKELJEVE DOGANORE”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI :

Neni 1

Republika e Shqipërisë aderon në “Konventën ndërkombëtare për asistencë të ndërsjellë administrative për parandalimin, hetimin dhe goditjen e shkeljeve doganore”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2960, datë 6.4.2001 të Presidentit të Republikës së Shqipërisë, Rexhep Meidani

KONVENTA

NDËRKOMBËTARE MBI ASISTENCËN RECIPROKE ADMINISTRATIVE PËR PARANDALIMIN, HETIMIN DHE GODITJEN E SHKELJEVE DOGANORE

(NAIROBI, 9 QERSHOR 1977)

HYRJE

PALËT KONTRAKTUESE në Konventën në fjalë, themeluar nën mbikëqyrjen e Këshillit të Kooperimit Doganor,

Duke marrë parasysh që shkeljet ndaj Ligjit Doganor janë të dëmshme për interesat ekonomike, sociale dhe fiskale të Shteteve dhe interesave legjitime të tregtisë,

Duke marrë parasysh se aksionet ndaj shkeljeve doganore mund të kryhen më efektivisht nëpërmjet kooperimit ndërmjet Administratave Doganore, dhe se ky kooperim është një nga qëllimet e Konventës duke themeluar një Këshill Kooperimi Doganor,

Kanë rënë dakord si më poshtë:

KREU I

PËRKUFIZIME

Neni 1