Për organizimin dhe funksionimin e Ministrisë së Drejtësisë

Lloji: Ligj

Fletore Zyrtare: nr. 27, datë 2001-06-05

LIGJ

Nr.8678, datë 14.5.2001

PËR ORGANIZIMIN DHE FUNKSIONIMIN E MINISTRISË SË DREJTËSISË

Në mbështetje të neneve 78, 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti i ligjit

Ky ligj përcakton rregullat e organizimit, të funksionimit, si dhe fushat e veprimtarisë së Ministrisë të Drejtësisë.

Neni 2

Baza juridike e organizimit dhe e funksionimit të Ministrisë së Drejtësisë

Ministria e Drejtësisë organizohet dhe funksionon në përputhje me Kushtetutën e Republikës së Shqipërisë, me ligjin nr.8549, datë 11.11.1999 “Statusi i nëpunësit civil”, me dispozitat ligjore për organizimin dhe funksionimin e Këshillit të Ministrave, si dhe me dispozita të tjera ligjore që parashikojnë rregulla të organizimit, funksionimit dhe kompetencave për Ministrinë e Drejtësisë.

Neni 3

Akte nënligjore për organizimin dhe funksionimin e Ministrisë së Drejtësisë

Në këtë ligj parashikohen çështjet me të rëndësishme të strukturës, organizimit dhe të funksionimit të Ministrisë së Drejtësisë, ndërsa rregullimi i hollësishëm i këtyre çështjeve përcaktohet në Rregulloren e Ministrisë së Drejtësisë dhe në urdhrat e udhëzimet e Ministrit të Drejtësisë.

Neni 4

Statusi i funksionarëve politikë dhe i nëpunësve civilë