PËR RATIFIKIMIN E “MARRËVESHJES SË HUASË NDËRMJET REPUBLIKËS SË SHQIPËRISË DHE BANKËS EUROPIANE PËR RINDËRTIM DHE ZHVILLIM PËR PROJEKTIN E REHABILITIMIT TË RRUGËS KOMBËTARE ELBASAN-LIBRAZHD”

Lloji: Ligj

Fletore Zyrtare: nr. 35, datë 2001-06-18

L I G J

Nr.8804, datë 17.5.2001

PËR RATIFIKIMIN E “MARRËVESHJES SË HUASË NDËRMJET REPUBLIKËS SË SHQIPËRISË DHE BANKËS EUROPIANE PËR RINDËRTIM DHE ZHVILLIM PËR PROJEKTIN E REHABILITIMIT TË RRUGËS KOMBËTARE ELBASAN-LIBRAZHD”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e huasë ndërmjet Republikës së Shqipërisë dhe Bankës Europiane për rindërtim dhe zhvillim, për projektin e rehabilitimit të Rrugës Kombëtare Elbasan-Librazhd”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr. 3046, datë 5.6.2001 të Presidentit të Republikës së Shqipërisë, Rexhep Meidani

MARRËVESHJE HUAJE

(Projekti i emerGjencës së rehabilitimit të rrugëve

ndërmjet Republikës së Shqipërisë dhe Bankës Europiane

për rindërtim dhe zhvillim

HYRJE

Ndërsa Banka është krijuar për të siguruar financime për projektet specifike që do të thellojnë tranzicionin drejt ekonomive me orientim tregun e hapur dhe për të nxitur iniciativën private dhe sipërmarrjet në vendet e Europës Qendrore dhe Lindore me angazhimin për të dhe duke zbatuar parimet e demokracisë shumëpartiake, pluralizmit dhe ekonomisë së tregut;