PËR ADERIMIN E REPUBLIKËS SË SHQIPËRISË NË “KONVENTËN NDËRKOMBËTARE KUNDËR MARRJES SË PENGJEVE

Lloji: Ligj

Fletore Zyrtare: nr. 57, datë 2001-11-21

LIGJ

Nr.8837, datë 22.11.2001

PËR ADERIMIN E REPUBLIKËS SË SHQIPËRISË NË “KONVENTËN NDËRKOMBËTARE KUNDËR MARRJES SË PENGJEVE”

Në mbështetje të neneve 78, 81 pika 1, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në “Konventën ndërkombëtare kundër marrjes së pengjeve” të 17 dhjetorit 1979.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.3172, datë 10.12.2001 të Presidentit të Republikës së Shqipërisë, Rexhep Meidani

Kombet e Bashkuara:

"Konventa Ndërkombëtare kundër marrjes së pengjeve"

Kombet e Bashkuara

Asambleja e Përgjithshme A/C 6/34/L.23

4 dhjetor 1979

Origjinali: Anglisht

Sesioni i 34-t

Komiteti i gjashtë

Pika 113 e Axhendës

Hartimi i draftit të një Konvente Ndërkombëtare kundër marrjes së Pengjeve

Republika Federale e Gjermanisë: Projektrezolutë.

Asambleja e Përgjithshme,

Duke konsideruar se zhvillimi progresiv i të drejtës ndërkombëtare dhe kodifikimi i saj ndihmojnë në realizimin e qëllimeve dhe parimeve të përcaktuara në nenet 1 dhe 2 të Kartës së Kombeve të Bashkuara,

Të vetëdijshëm për nevojën e përfundimit të një Konvente Ndërkombëtare, nën kujdesin e Kombeve të Bashkuara, kundër marrjes së pengjeve,