Për ratifikimin e "Protokollit të bisedimeve ndërmjet Qeverisë së Republikës të Shqipërisë dhe Qeverisë së Republikës Federale të Gjermanisë për bashkëpunimin financiar dhe teknik për vitin 2001"

Lloji: Ligj

Fletore Zyrtare: nr. 2, datë 2002-02-08

LIGJ

Nr.8854, datë 31.1.2002

PËR RATIFIKIMIN E "PROTOKOLLIT TË BISEDIMEVE NDËRMJET QEVERISË SË REPUBLIKËS TË SHQIPËRISË DHE QEVERISË SË REPUBLIKËS FEDERALE TË GJERMANISË PËR BASHKËPUNIMIN FINANCIAR DHE TEKNIK PËR VITIN 2001".

Në mbështetje të neneve 78, 81 pika 1, 83 pika 1 Dhe 121 të Kushtetutës, me propozimin e Këshillit të Ministrave

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet "Protokolli i bisedimeve ndërmjet Qeverisë së Republikës të Shqipërisë dhe Qeverisë së Republikës Federale të Gjermanisë për bashkëpunimin financiar dhe teknik për vitin 2001".

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.3251, datë 2.2.2002 të Presidentit të Republikës së Shqipërisë,

Rexhep Meidani

PROTOKOLL

I BISEDIMEVE MBI BASHKËPUNIMIN FINANCIAR DHE TEKNIK NDËRMJET

QEVERISË SË REPUBLIKËS TË SHQIPËRISË DHE QEVERISË SË REPUBLIKËS FEDERALE TË GJERMANISË PËR VITIN 2001

Në datat 4 deri 5 dhjetor 2001 u zhvilluan në Tiranë Bisedimet Qeveritare mbi Bashkëpunimin Financiar dhe Teknik për vitin 2001 midis delegacionit të Qeverisë së Republikës Federale të Gjermanisë dhe delegacionit të Qeverisë së Republikës Shqiptare.